மம்மி தி மாஸ்.!

உலக கோப்பை கிரிகெட் இறுதி ஆட்டத்தை டீவியில் பார்த்தபோது ஏற்பட்ட அதே பரபரப்பு மீண்டும் தேர்தல் முடிவுகளை இன்று டீவியில் பார்க்கும் போது ஏற்பட்டது. தேர்தல் முடிவுகள் கொஞ்சம் கொஞ்சமாக வெளியாகி யார் ஆட்சியில் அமர போகிறார்கள் என்று தெரிய ஆரம்பித்தவுடன் கிளைமேக்ஸ் தெரிந்த படத்தை பார்க்கும் உணர்வே ஏற்பட்டது இதற்க்கு மேல் வேறு எந்த ஒரு தாக்கத்தையும்; இதுபோன்ற தேர்தல்களும் அதன் முடிவுகளும் ஏற்படுத்திவிட போவது இல்லை.

 

இந்தியாவின் உலக கோப்பை சாம்பியன் பட்டம் ஆடிபாடி கொண்டாடி மகிழ்ந்த ரசிக குஞ்சாமணிகளுக்கு எப்படி எந்த ஒரு பயனையும் தந்துவிட போவதில்லையோ அதே போன்று இந்த ஆட்சி மாற்றமும் இன்று ஆடிபாடும் கீழ்நிலை தொன்டனின் வாழ்வில் எந்த ஒரு மாற்றத்தையும் தந்துவிடப்போவதில்லை.

மம்மி மூன்றாவது முறையாக தமிழக முதல்வராக போகிறார்> பால்கனியல் நின்று இரண்டு நிமிட தரிசனம் தந்தபோதும் சரி ஊடகங்களுக்கு பேட்டி அளித்தபோதும் சரி முகத்தில் உற்சாகத்தையோ சந்தோஷத்தையோ காணமுடியவில்லை.  

இத்தனை பரபரப்புக்கு மத்தியில் அம்மாவீட்டு கதவுக்கு பின்னால் நிழலாடிய தோழியை பார்த்தபோது திமுகா’வின் படிதோல்வியால் ஏற்பட்ட சிறு சந்தோஷமும் காணாமல் போயின.

மம்மியின் இந்த இமாலய வெற்றிக்கு காரணம்> திமுக’வின் ஊழல்> மின்வெட்டு> குடும்ப அரசியல் என்று ஆளுக்கு ஒரு காரணம் சொல்கிறார்கள் ஆனால் அ.தி.மு.க வின் வெற்றிக்கு காரணம் அம்மா ஒரு திறமையான முதல்வர் என்று மக்கள் நினைக்கிறார்கள் என்று சொல்கிறார் பத்திரிகையாளர் ‘சோ’.   சிரிக்காமல் ஜொக்கடிப்பதில் ‘சோ’ விற்கு நிகர் “சோ” மட்டும்தான்.

அம்மா> திமுக’வின் இலவசம் என்கின்ற 'மக்கள் பிச்சைகார’ திட்டங்களுக்கு மாற்றாக வேறு சில பிச்சை திட்டங்களை தேர்தல் அறிக்கையாக தந்தாரே ஒழிய மின்வெட்டு விலைவாசி உயர்வு போன்ற மக்களின் அடிப்படை பிரச்சனைகளை தீர்பதற்காக எந்த ஒரு உருப்படியன திட்டமும் அம்மாவிடம் இருப்பதாக தெரியவில்லை.

ஊழல் செய்த எத்தனை அரசியல்வதிகளின் சொத்தை அரசு பறிமுதல் செய்துள்ளது? திருடன் பிடிக்கப்படும் போது அவன் திருடிய பொருள்கள் திரும்ப கைபற்றபட வேண்டும் ஆனால் அரசியல்வாதிகளால் ஊழல்; நடத்தபடும் போது ஆட்சிமாற்றம் பதவி நீக்கம் என்று திருடுவதிலிருந்து தற்காலிக ஓய்வு பெருகிறார்களே தவிர திருடிச் சேர்த்த சொத்துக்கள் பறிக்கப் படுவதில்லை. சில காலங்களுக்கு வழக்கு நீதிமன்ற விசாரணை என்று ஊடக வியாபாரங்களுக்கு விளம்பரமாக பயன்படுவார்கள்.

 

எத்தனையோ தேர்தல்களையும் ஆட்சி மாற்றங்களையும் தமிழகம் சந்தித்துவிட்டது இவனுக்கு அவன் தேவலாம் அவனுக்கு இவன் தேவலாம் என்ற நிர்பந்தத்தின் காரணமாகவே மக்களால் ஆட்சி மாற்றம் நிகழ்த்தப் படுகிறதே தவிற நல்லாட்சி அமைத்திடும் என்ற நம்பிக்கை எல்லாம் கிடையாது.

ஆட்சி மாற்றம் இங்கு வெறும் ஆட்கள் மாற்றமே தவிர வேறு ஒன்றும் மாறிவிட போவதில்லை.